مفضوحين عند الأجانب كمان ... يا قلبي لا تحزن
الفيديو بيتكلم لوحدة ... مش محتاج كلام
الأربعاء، 10 نوفمبر 2010
الأحد، 7 نوفمبر 2010
اكتب ما يملى عليك
آخر سؤال في امتحانات اللغة العربية في المرحلة الابتدائية والإعدادية كان دائما (اكتب ما يملى عليك) بمعنى أن علاقتي مع هذا السؤال انتهت منذ حوالي 8 سنوات. ولكن ما سبب رجوعي بالزمن لأتذكر شيء قد يتعجب الكثيرون بل الجميع من إني أتذكره والقي عليه الضوء؟ السبب هو الكم الهائل من الأخطاء الإملائية التي يقع فيها الكثيرون ومنهم أنا بكل تأكيد. بكل أسف ;كلا منا على دراية بعلوم تخصصه الدراسي أو المهني، على دراية باللغة العالمية الأولى "الانجليزية" ولكن لا احد على علم بلغته الأم لغته القومية اللغة العربية وبمناسبة الموضوع فان اللغة العربية هي اللغة العالمية الخامسة بعد الانجليزية والصينية والأسبانية والفرنسية.
سبب كتابتي لهذا الموضوع أن الكثيرون عند كتابة سيرتهم الذاتية يكتبون أن اللغة العربية هي لغتهم الأم ولكن البعض الآخر يكتبون انهم يتحدثون ويكتبون العربية بطلاقة! هل نحن بالفعل نتحدث ونكتب العربية بطلاقة؟
بالنسبة للكتابة نجد الكثير من الأخطاء الإملائية تتواجد بشكل اكبر في المواضع التالية: (التاء والهاء المربوطة، الياء والألف اللينة، والهمزات). بالنسبة للتاء المربوطة والهاء المربوطة والهمزات بكل تأكيد إنها أخطاء قاتلة. أخطاء التاء المربوطة والهاء المربوطة في الكتابة هي مجرد نتيجة للكسل سواء كانت الكتابة يدوية وسواء كانت الكتابة من خلال لوحة المفاتيح على جهاز الكومبيوتر فان كتابة حرف الهاء أسهل حيث انه يوجد بالصف الأعلى في لوحة المفاتيح مع أكثر الحروف استخداما. ولكن بالطبع هذا ليس مبرر أبدا حيث ان السبب الرئيسي هو الجهل باللغة حيث لو اننا على علم بالاختلاف بين الهاء المربوطة والتاء المربوطة لعلمنا انهم يختلفون تماما نفس اختلاف حرفي السين مع القاف. أيضا من أهم الأخطاء والتي نجهل بها هي كيفية كتابة الهمزات في مواضعها الصحيحة.
الوضع الافتراضي في الكتابة في مصر أننا لا نميز بين الياء والألف اللينة؛ وكلاهما يكتبان ألف لينة وعلينا التميز في النطق بانفسنا سواء بالكسر أو الفتح وأنا بالطبع احترم هذا الوضع إذا كان وضعا ثابتا ومحدد ولكن لاحظت كثيرا وحتى في الصحف الرسمية التي تدعم هذا النظام في الكتابة أجد في بعض المواضيع التي تكتب بعض الكلمات محتوية على ألف لينة أو ياء شكلا ولكنها لا تتوافق مع النطق وبالتالي نجد أن الكتابة أصبحت تتبع مبدأ (الأقرب والأسهل للصوابع) وبذلك بدون أدنى احترام للغة ولا للهوية. وليس فقط في الصحف أو الكتب ولكن أيضا في بعض المستندات الرسمية كما موضح بالصورة التالية:
نجد أن الكتابة تمت من خلال مبدأ (الأقرب والأسهل للصوابع) في وثيقة رسمية حيث تمت كتابة كلمة "تمهيدي" بشكل صحيح ولكن دون قصد! وتمت كتابة كلمة "القوي" بشكل خاطئ على الرغم من إنها ألف لينة وليست ياء. وإذا كانت دلائل وجودنا عبارة عن مجرد أوراق وتلك الأوراق كتبت بشكل خاطئ بدون أدنى احترام باللغة ولا اعتبار للهوية ولا الأصل. بالتالي نجد أن وجودنا نفسه مشوش غير واضح المعالم كاللغة التي تصف وجودنا وترسم ملامح تاريخ كلا منا.
من منا عند الكتابة بلغة أخرى نسى كتابة نقاط حرفي i أو j أو نسى كتابة أي Accent في اللغة الفرنسية او عدم الإهتمام بكتابة Umlaut في اللغة الألمانية!
بالنسبة لتحدث العربية بالطبع أنا لا أتحدث عن اللكنة المحلية للغة ولكن أود أن اعقد مقارنة بين بعض الحالات، في اللغة الانجليزية هناك العديد من أخطاء تحدث اللغة مثل نطق Of وOff ونطق حرفي P وB وايضا نطق TH وZ بالشكل الصحيح. عند حدوث أي من هذه الأخطاء نجد ردود أفعال ضد صاحب هذا الخطأ. ولكن ماذا عن نطق حروف الثاء والظاء والذال والزين وغيرها من قواعد نطق اللغة؟
ماهي مشكلة اللغة العربية والناطقين باللغة العربية؟
ما سبب انحدار اللغة بهذا الشكل؟
أي شخص لو تحدثنا معه عن اللغة العربية بكل تلقائية وبدون تفكير سيجيب قائلا: "انت بتتكلم في ايه، دي لغة القرآن الكريم". وطالما انها لغة القرآن الكريم. هل حافظنا عليها، ام احتقرناها وضيعناها.
في النهاية أود أن اسجل آسفا لكل من قرأ الموضوع إذا احتوى على أي خطأ إملائي. ولماذا لا نبدأ من خلال هذا الموضوع دعوة أو حملة لاحياء اللغة العربية والتي شارك كلا مننا في جرم عدم الحفاظ عليها وضياع ملامحها وجعلها مجرد مسمى.
السبت، 4 سبتمبر 2010
الأحد، 8 أغسطس 2010
الموت على الطريقة المصرية
الموت على الطريقة المصرية
عاوز تموت شهيد
يا تركب قطر ... يا تركب عبارة ... يا تركب طيارة
عاوز تموت م الجوع
ياتشتري شقة بالقسط ... ياتشتري عربية بالقسط
يا تدخل عيالك مدرسة خاصة
عاوز تموت مشهور
ياتتجوز رقاصة ... يا تنصب على بنك
عاوز تموت مليونير
ياتعمل فيديو كليب ... يا تلعب كورة
عاوز تموت ورا الشمس
ياتشغل مخك ... يا تفتح بؤك
عاوز تموت م الحزن
ياتحط الحكومة ف بالك ... يا تطالب بحقك
عاوز تموت م الضحك
يا تسمع تصريحات وزارتا الصحة والتعليم
يا تروح تتطعم من أنفلوانزا الخنازير
عاوز تموت م الحسرة
ياتتفرج ع الفاترينات في ستى ستارز... ياتروح زيارة لمارينا
عاوز تموت م الغيظ
ياتتفرج ع القنوات المحلية ... يا تتفرج على النشرة الجوية
عاوز تموت م الزهق
ياتستنى الإشارة لما تفتح ... ياتستنى دورك في التأمين الصحي
ياتستنى دورك في فرن العيش
عاوز تموت م الهبل
يا تسمع تصريحات المسئولين بعد كل كارثة
يا تتفرج على برامج المسابقات
عاوز تموت مخنوق
ياتروح مصلحة حكومية ... يا تقرأ الجريدة اليومية
عاوز تموت م الخضة
يا تركب ميكروباص .. يا تعدى الشارع على رجليك
عاوز تموت مرعوب
ياتستنى نتيجة الثانوية العامة
ياتستنى نتيجة التحاليل عند الدكتور
عاوز تموت ف حالك
أعمل نفسك دايما... مش واخد بالك
عاوز تموت من الاهمال
إعمل أي عملية في أي مستشفى حكومي
عاوز تموت منتحر ومكتئب
روح اخطب وانتا عندك 30 سنة ومرتبك 500 جنيه
عاوز تموت من الوطنية
روح شجع المنتخب ومعاك نجوم الفن والاعلام
عاوز تموت من الحزن على كرامتك
روح اشتغل في أي دولة عربية
الثلاثاء، 20 يوليو 2010
سنة مع الشغل
20 يوليو 2009
تاريخ مهم جدا في حياتي
ومن التواريخ إلي هتفضل ملازماني طول حياتي
لأنه تاريخ بداية حياتي العملية
طبعا بفضل ربنا أولا
وثانيا بفضل استاذي ...الاستاذ الدكتور/ مجدي أبو ريان
اشتغلت في شركة الاستشاريون العالميون
من 20 يوليو 2009 إلى 30 مارس 2010
كمهندس مكتب فني وشاركت في مشروع منظمة الناتو للتمنية المستدامة
وبعدين اشتغلت في الشركة العلمية الدولية للكيماويات والاستشارات البيئية
من 1 مايو 2010 إلى آلان
كمهندس مكتب فني في مجال معالجة الصرف الصناعي والصحي
بالمناسبة دي أحب اشكر كل من كان ليه فضل عليا في حياتي
أولا طبعا: والدي ووالدتي
ثانيا: استاذي ومثلي الأعلي ... د/ كمال النحاس
ثالثا: استاذتي جميعا من أول مابدأت تعليم
وأخص بالذكر
أ. أحمد جلال (أستاذ الرياضيات في المرحلة الإعدادية والثانوية)
أ. رشاد منصور (أستاذ الكيمياء والفيزياء في المرحلة الثانوية)
أ. عبد الخالق الأديب (أستاذ اللغة الانجليزية في المرحلة الثانوية)
أ. يسري المملوك (أستاذ اللغة العربية في المرحلة الثانوية)
أ. مصطفى الصعيدي (أستاذ اللغة الفرنسية في المرحلة الثانوية)
د. سعد جمعة (أستاذ اللغة الفرنسية في المرحلة الثانوية)
أ. ولاء حليمة (أستاذ الأقتصاد في المرحلة الثانوية)
أ. عماد غيث (أستاذ اللغة الانجليزية في المرحلة الإعدادية)
أ. عرنوس البراشي (أستاذ العلوم في المرحلة الإعدادية)
أ. ثابت غنام (أستاذ العلوم في المرحلة الإعدادية)
أ. أمل الملاح (أستاذ الدراسات الاجتماعية في المرحلة الإعدادية)
أ. بثينة الجميعي (أستاذ العلوم في المرحلة الإعدادية)
أ. ربيع نصر (أستاذ اللغة العربية في المرحلة الإعدادية)
أ. عمرو غيث (أستاذ اللغة الانجليزية في المرحلة الابتدائية)
أ. منى بدر (أستاذ العلوم في المرحلة الابتدائية)
أ. رضا مكية (أستاذ العلوم في المرحلة الابتدائية)
أ. عزة قمبر (أستاذ الرياضيات في المرحلة الابتدائية)
أ. منى منتصر (أستاذ اللغة الانجليزية في المرحلة الابتدائية)
شكر خاص للكيميائي/ طارق محمود
مدير الشركة العلمية الدولية للكيماويات والاستشارات البيئية
وبأشكر أي حد كان ليه فضل عليا في حياتي ... وعمري ماهانسى
ومعذرة بجد لو كنت نسيت حد
الثلاثاء، 6 يوليو 2010
بالورقة والقلم
بالورقة والقلم
خديتيني 100 ألم
........
أنا شفت فيكي مرمطة
وعرفت مين إللي اتظلم
........
ليه إللي جاي أجنبي
عارفة عليه تطبطبي
........
وتركبي الوش الخشب
وعلى إللي منك تقلبي
........
عارفة سواد العسل
أهو إلي حالك ليه وصل
........
ازاي قوليلي مكملة
وكل ده فيكي حصل
........
يابلد معاندة نفسها
ياكل حاجة وعكسها
........
انسيني أنا صبري انتهى
ومش هاشوف فيكي أمل
من فيلم "عسل أسود"
الاثنين، 5 يوليو 2010
الفكر المصري المتعفن (كليات القمة)
طبعا نظرا للفكر المصري العبقري وعلشان احنا حاليا نعتمد على صناعة المصطلحات فقط في هذا العصر. يعني بنحب نقول كلام كبير وخلاص ومصطلحات كبيرة على الفاضي وعلى المليان "طبعا دع علشان الناس ماتفهمش حاجة وهو ده المطلوب".
ظهر مصطلح اعتقد ان السبب الرئيسي في تخلف هذه البلد وظهور كل المشاكل النفسية لكل الطبقات الاجتماعية. هما صحيح 10 حروف بس أنا شايف انهم كانوا افتك من 10 قنابل نووية!
كليات القمة
يعني أيه كليات القمة؟
يعني طب وهندسة وصيدلية!
أيه الخيابة دي؟ معنى كدة إن في كليات القاع؟!
مع الأسف الشديد بقى الولد أو البنت من يوم مايتولدوا، بيتحكم عليها لازم يتشقلبوا ويمشوا على الحيطة علشان يدخلوا كلية من كليات القمة "على حد تعبيرهم"!
ولو حصل ومحصلش توفيق وممكن يكون زي مابيحصل كتير مايحصلش نصيب على نصف درجة مثلا! يبقى خلاص الولد أو البنت دول ضاع مستقبلهم وتتغير النظة ليهم لمجرد إنهم دخلوا كلية من كليات القاع!
حاجة تضحك ... صح؟
لأ هي تبكي ... وياما بكت ناس ... وجابت عقد نفسية لناس كتيييييييييييييييييييييييييييييييييييييييييييييرة
للأسف الناس كدبت الكدبة وصدقتها والنتيجة مثلا أن كلية زي تجارة أو حقوق أو زراعة على سبيل المثال، قليل جدا إلي بيدخلها لرغبته فيها وبالتالي بيبقى ايح مش طايق نفسه ولا الكلية ولا عنده استعداد يعمل أي حاجة وكفاية بقى كمان بصة الأهل إلي كلها حسرة على ابنهم أو بنتهم إلي ضاع مستقبلهم علشان مادخلوش طب أو هندسة!
مالها حقوق يعني؟ دي كانت كلية قمة القمم كلها في العصر الذهبي لمصر في العصر الحديث في أوائل القرن العشرين! دلوقتي ايه إلي خلاها قاع؟؟
مالها زراعة؟ يعني كلية زراعة مع انها بالتفكير الآدمي العادي مش بالتفكير المصري هنلاقي انها واحدة من قمم القمم.
والله كله قمم القمم
ولكن الفكر عندنا بقى رمة الرمم ووصل لدرجة التعفن
اي بلد علشان تقوم ويكون فيها نهضة، أكيد مش لما تكون كلها دكاترة بيمصوا دم الغلابة ولا كلها مهندسين نصابين ولا محاسبين مرتشيين ولا محامين معدومي الضمير!
ولكن لما يبقى في تباين في كل الوظائف ... لازم يكون في دكاترة ومهندسين ومحامين وقضاة ومحاسبين وعمال وفلاحين والأهم مدرسين!
لازم التعليم يبقى مش بس كليات، لازم تعليم فني وصناعي، وده الطبيعي!
المصطلح ده عمل فجوة في المجتمع وخلي إلي بيدخل كلية قمة "على حد تعبيرهم" أحسن من بيدخل كلية تانية لأن التاني من المفترض أنه فاشل، ولازم أي حد يشوف من كليات القاع دي "على حد تعبيرهم" بيتخيل انهم قاعدين فاضين مش بيعملوا حاجة!
حد يقدر يقولي ... مين الأهم؟
عامل الخراطة ولا السواق ولا المهندس؟!
أنا كدة خلصت الموضوع ولكن في حاجة مش عارف تتقال ولا لأ، لأن مش كل الناس بتؤمن بنظرية المؤامرة ولكن أنا من المؤمنين بيها "من فترة قريبة" وهنلاقي لما نخلي كلية حقوق إلي خرجت زعماء وثوار كلية ملهاش لازمة يبقى أكيد في مؤامرة! لما كلية زراعة ملهاش لازمة؛ لازم يكون في مؤامرة! لما البلد مايبقاش فيها غير دكاترة ومهندسين بس وياريتهم عدلين؛ لازم يبقى في مؤامرة!
الاشتراك في:
الرسائل (Atom)