الحقيقة السبب في كتابة الموضوع ده كانت حلقة برنامج شيزوفرينيا بتاريخ 3/4/2010 بعنوان الخلع ... والموضوع ده يعتبر تفريغ مكتوب للحلقة ولكن بتصرف
تحية لكل فريق برنامج شيزوفرينيا
كالعادة طبعا وزي ما تعودنا أو زي ما تعودت أني لاقيت حلقة الخلع حلقة في منتهى الشيزوفرينيا وإلي قدمها ببراعة الشاعر والإعلامي محمد ناصر علي
أنا الحقيقة ماعرفش أيه أصل الخلع شرعاً تفصيلا ولكن إلي عرفته إنه تم عمل القانون ده استنادا لموقف حصل مع الرسول صلى الله عليه وسلم. صحيح لو بصينا للخلع اجتماعيا بعديا عن حكم الدين هنلاقي أنه بيدي حق للمرأة إنها تخلع زوجها بدون ابداء الاسباب وده غير الطلاق نتيجة التضرر من شيء ما وإلي لازم يتم يه ابدأ الاسباب وإلي طبعا كان بيتقال فيه أسباب كتيرة زي البخل والزواج من اخرى و ........ (فاهمين طبعا).
في أول الشيزوفرينيا (محمد ناصر علي قاعد على الكرسي) كان بيتكلم ازاي الخلع وفر للمرأة حق انهاء العلاقة الزوجية لأنها ممكن لقت زوجها شخص مش كويس وده نتيجة طبعا للكدب الفطري إلي بيكدبه الطرفين قبل الزواج، يعني حب ورمانسية وكرم زااااااااااااايد وتفاهم مفرط وغيره. مش باقول أن كله كدة وكله بيكدب، وحتى إلي مش بيكدب؛ مجرد أن الزوجين بيكونوا مع بعض بيكتشفوا عيوب بعض إلي هي حتى لو عارفينها وكانوا بيتغاضوا عنها قبل كدة؛ بعد فترة خلاص كل واحد هيشوف التاني بعيوبه.
موضوع العيوب دي حاجة طبيعية ومش مشكلة في الحقيقة، المشكلة الحقيقية هي كيفية التعامل مع العيوب دي ومن رأيي أسهل طرق التعامل مع العيوب هي المصارحة في حالة حدوث أي مشكلة وأن المشاكل يتم احتوائها بين الزوجين. بصراحة أنا مش بأشوف ده خالص وده منتشر على شاشات التليفزيون في برامج كتيرة، واحدة بتشتكي مع تعامل زوجها على الملئ (طيب ماتتكلمي معاه وتحاولي، امال انتي دورك ايه بقى؟) أو واحدة ودي اكتر حاجة بتخنقني تروح تكلم برنامج علشان في بعض المشاكل في حاجات خصوصية (طيب ماتكلميه، هو ابن خالتك؟ ده زوجك).
نرجع لموضوعنا ... دلوقتي المرأة معاها صلاحية انهاء العلاقة الزوجية لأي سبب ودون ابداء الأسباب، ولكنها بتتظلم في حقوقها المادية لأن ساعتها الراجل بيكفيه الضرر النفسي وما بيتمش ضرره ماديا أيضا والعكس صحيح في الطلاق.
لو في تضرر حقيقي ولجأت المرأة للخلع ... ماشي
لكن بقى لو خدتها وسيلة للسيطرة وتمسك الراجل من ايده إلي بتوجعه؟
هنا بيظهر حاجة اسمها الراجل السوسو بمعنى أنه خلاص مالوش أي سيطرة على البيت ولا على زوجته ولا أولاده، لان خلاص هيبقى الحال كالتالي:
رايحة فين ياحبيبتي؟
رايحة مشوار
فين يعني؟ ما تقعدي نتكلم شوية
آه ... ماشي ... تعالى نتكلم في الخلع
في الحالة دي نقدر نقول اننا سلمنا القط مفتاح القرار!
هاقول حاجة اتقالت في البرنامج برضة ... صحيح هي صعبة على أي حد بس كل شئ وارد وبيحصل، مش هاقول انه مش بيحصل.
لو واحدة عجبها واحدة تاني أحلى أو أحسن في أي حاجة من جوزها ... خلاص تخلع سوسو ويبقى توتو وتتجوز سوسو التاني.
يعني فرضا واحد بادئ من الصفر وطلع عينه علشان يعمل بيت ويتجوز وفجأة يتخلع لأي سبب أو بدون أسباب زي ماقلنا.
هو أصلا قبل ما تكون مشكلة الزواج مشكلة مادية فهي في رأي مشكلة تانية وهي عدم الثقة، سواء عم ثقة في البنات نفسهم أو عدم ثقة فيهم بعد الزواج، يعني هل هتبقى متعاونة وتقف جنب زوجها بعد الزواج وتساعده على تحقيق طموحه ولا هترجعه عشرين سنة ورا؟
وعند أم ترتر لو حد عبركم
يعني فرضا واحد بادئ من الصفر وطلع عينه علشان يعمل بيت ويتجوز وفجأة يتخلع لأي سبب أو بدون أسباب زي ماقلنا.
هو أصلا قبل ما تكون مشكلة الزواج مشكلة مادية فهي في رأي مشكلة تانية وهي عدم الثقة، سواء عم ثقة في البنات نفسهم أو عدم ثقة فيهم بعد الزواج، يعني هل هتبقى متعاونة وتقف جنب زوجها بعد الزواج وتساعده على تحقيق طموحه ولا هترجعه عشرين سنة ورا؟
ضيف عليها بقى الخوف من قلة العقل في استخدام الخلع كوسيلة إنها تخلع
طبعا النتيجة ... بخ
أحب أقول للبنات ... حطوا بوية على وشكم ... البسوا ضيق وقصير ... اطنطتوا في كل حتة
وعند أم ترتر لو حد عبركم
