أنا جبت شقة في زمن لو جبت شقة يقولوا تهييس
طب مهر لأه يا اخواننا حرام هو التشطيب رخيص
سيبوا اللي اتبقى بنص العفش ليه الهفش بيس
الرحمة حلوة الله يكون في عون العريس
مين اللي نقى مش بنتكوا دي يبقى ذنبي إيه تدبيس
وفرت طقة طقة وباصوم والنعمة اتنين وخميس
أنا كان فاضلي زقة وهاهج وألم هدومى في كيس
ناقص أبيع البنطلون والقميص
لا لا يا أونكل لا ... لا لا يا أبلة لا
يرضيكوا تيجي بنتكوا بيتها تجوع جواه؟
فيه لسة خلفة وعيال حلوين ... يا نهار ده هبل مصاريف
مش لاقي صرفة انتي برستيجي كدة ... منظري مش لطيف
لو خدت سلفة من حد قصاد بنتكم أنا هابقى ضعيف
وأقعد في البيت بجلابية ... يا خسارتك يا أبو الليف
لا لا يا أونكل لا ... لا لا يا أبلة لا
يرضيكوا تيجي بنتكوا بيتها تجوع جواه؟
طبعاً كلنا سمعنا ألبوم أبو الليف
وإلي بدون شك عمل ضجة لأنه لون جديد
يمكن كتير كان نفسهم في لون بالشكل ده ومنهم أنا
وفي كان نفسه في التغير ولكنه مش عارف التغيير يكون أزاي
صحيح كل الاغاني عندنا حب وهجر وخصام وكلام من ده
وزي ماقال الشاعر أيمن بهجت قمر إن كل الأغاني
وحشتيني وتعاليلي وارجعيلي وارحميني
فخلاص بقى الموضوع ممل جدا خصوصا مع كتر المغنيين والحمد لله بقى في مغني لكل مواطن
وإلي مش لاقي شغل بيغني
وإلي مش لاقيه عريس يلمها بتقلع هدومها الأول وبعدين تغني
فريق العمل بتاع البوم أبو الليف ... الشاعر أيمن بهجت قمر والملحن محمد يحيي والموزع توما
الحقيقة نجحوا جدا في تقديم لون جديد
لون بيقدم قضية
أو كلام بتحس انه من حياتك أو من إلي بتشوفه
يمكن اكتر اغنية مستني أنا شخصيا
هي اغنية جبت شقة
علشان كدة بدأت بيها الموضوع
يمكن أغنية بتخلي الواحد يشيل الهم
ويعمل حساب الهبل إلي مستنيه
بس أكيد بتقدم حالة
أو اقدر اقول انها قدمت امتداد حالة الحب إلي موجودة في الاغاني من 60 أو 70 سنة
فهو كله بيحب
بس وبعدين؟؟
ادخل الدوامة بقى وكون نفسك ... الخ
تحية لكل صناع الألبوم
ليست هناك تعليقات:
إرسال تعليق